“ඔබතුමාට සුභ පතනව, සිංහයෙක් වගේ හමුදාවට අණ දෙන්න…” – ෆීල්ඩ් මාෂල්
පාස්කු ඉරිදා මෙරටට එල්ල වූ බෝම්බ ප‍්‍රහාර සම්බන්ධයෙන් විමර්ෂණය කරන පාර්ලිමේන්තු තේරීම් කාකර සභාවේ සාමාජිකයන් වන සරත් ෆොන්සේකා හා එම්.ඒ. සුමන්තිරන් යන මහත්වරුන් අතර එහිදී උණුසුම් වචන හුවමාරුවක් ඇති විය.
ප්රහාරයට අදාල සියළු ත්‍රස්තවාදීන් මෙතෙක් අත්අඩංගුවට ගෙන නැති බවට යුද හමුදාපති ලුතිතන් ජෙනරාල් මහේෂ් සේනානායක මහතා විසින් කරන ලද ප‍්‍රකාශයක් සම්බන්දයෙන් ෆොන්සේකා මහතා තම එකගතාවය පල කිරීමත් සමග මෙම තත්වය ඇති විය.
ෆොන්සේකා මහතාට විරුද්ද වෙමින් සුමන්තිරන් මහතා කියා සිටියේ එම කමිටුවේ මතය නොවන බවයි.
එහිදී යුද හමුදාපති ලුතිතන් ජෙනරාල් මහේෂ් සේනානායක මහතාට සුභ පැතීමටද ෆීල්ඩ් මාෂල් සරත් ෆොන්සේකා අමතක කළේ නැහැ
“ඔබතුමා එදා කීවා ෆීල්ඩ් මාෂල් ඉන්න කාලෙ තිබ්බ හමුදාව නෙවෙයි දැන් තියෙන්නෙ කියල. ඔබතුමයි මායි දෙන්නම හමුදාවෙදි ඉගෙන ගත්ත කියමනක් තියෙනව. ඒ කියමනෙන් කියන්නෙ, සිංහ හමුදාවකට ඔටුවෙක් අණ දුන්නොත් යුද්ධය පරදිනව. ඔටු හමුදාවකට සිංහයෙක් අණ දුන්නොත් යුද්ධය දිනනව කියල. ඔබතුමාට සුභ පතනව, සිංහයෙක් වගේ හමුදාවට අණ දෙන්න…”
ෆීල්ඩ් මාෂල් සරත් ෆොන්සේකා