ජනපති අපේක්ෂකයා ප්‍රකාශයට පත් කරන දිනය බැසිල් හෙළි කරයි

ජනාධිපතිවරණයට ඉදිරිපත් වන අපේක්ෂකයා කවුරුන්දැයි ඉදිරියේදී පවත්වනු ලබන පක්ෂ සම්මේලනයේදී විපක්ෂ නායක මහින්ද රාජපක්ෂ මහතා නම් කරනු ඇති බව හිටපු අමාත්‍ය බැසිල් රාජපක්ෂ මහතා පවසයි.

මාතර අධිකරණයේදී පැවති නඩු කටයුත්තකට සහභාගී වීමෙන් අනතුරුව රාජපක්ෂ මහතා මේ බව සඳහන් කළේ ය.

ඉදිරි ජනාධිපතිවරණ අපේක්ෂකයා “ඔබ තුමන් ද” යනුවෙන් මාධ්‍යවේදීන් මෙහිදී බැසිල් රාජපක්ෂ මහතාගෙන් විමසා සිටියේ ය.

ඊට පිළිතුරු දෙමින් රාජපක්ෂ මහතා පැවසුවේ ජනාධිපතිවරණ අපේක්ෂකයා තමන් නොවන බව ය.