පාස්කු ඉරිදා ප්‍රහාරයට වගකිව යුතු නියෝජ්‍ය පොලිස්පතිවරුන් 3 දෙනෙකු ඇතුළු 9 දෙනෙකුට විනය පියවර

පාස්කු ඉරිදා සිදු වූ ප්‍රහාරය සම්බන්ධයෙන් වගකිව යුතු නියෝජ්‍ය පොලිස්පතිවරුන් 3 දෙනෙකු ඇතුළු පොලිස් නිලධාරීන් 9 දෙනෙකුට එරෙහිව විනය පියවර ගැනීම සඳහා වූ චෝදනා පත්‍රය සකස් කර ඉදිරි දින කිහිපය ඇතුළතදී ජාතික පොලිස් කොමිසම වෙත ඉදිරිපත් කිරීමට නියමිත ය.

පොලිස් විශේෂ විමර්ශන ඒකකයේ නියෝජ්‍ය පොලිස්පති මෙවන් ද සිල්වා මහතා‌‌‌‌‌‌ගේ ප්‍රධානත්වයෙන් මීට සම්බන්ධ විමර්ශන සිදු කෙරෙන අතර අදාළ වාර්තාව මේ වන විට සකස් වෙමින් තිබේ.

ඒ අනුව රාජකාරිය පැහැර හැරීම, වගකීම් විරහිතව කටයුතු කිරීම ඇතුළු චෝදනා කිහිපයක් මෙම නිලධාරීන්ට එරෙහිව ‌‌‌ගොනු කෙරෙනු ඇති.