එ.ජා.ප. සන්ධානය පිහිටුවිය යුත්තේ ජනාධිපති අපේක්ෂකයා නම් කිරීමෙන් පසුවයි – සජිත් ප්රේමදාස
එක්සත් ජාතික පක්ෂය එළැඹෙන ජනාධිපතිවරණය වෙනුවෙන් නව සන්ධානයක් පිහිටුවන්නේ නම් එම සන්ධානය පිහිටුවිය යුත්තේ ජනපති අපේක්ෂකයා නම් කිරීමෙන් පසුව බව අමාත්ය සජිත් ප්රේමදාස මහතා පවසයි.
එසේ කළ හොත් පමණක් යෝජිත සන්ධානය වටා බොහෝ පිරිස් එකතු වී එය ජයග්රාහී සන්ධානයක් වනු ඇති බවට නිවේදනයක් නිකුත් කරමින් අමාත්යවරයා වැඩිදුරටත් පවසයි.
ජනාධිපතිවරණය වෙනුවෙන් එක්සත් ජාතික පක්ෂය ප්රමුඛ සන්ධානය කඩිනමින් පිහිටුවිය යුතු බවට අග්රාමාත්යවරයා සහ තමන් එකඟතාවකට එළැඹ ඇතැයි ඇතැම් මාධ්ය පළ කර තිබෙන වාර්තාවකට ප්රතිචාර දක්වමින් සජිත් ප්රේමදාස මහතා මෙම නිවේදනය නිකුත් කර තිබේ.
මේ අතර සජිත් ප්රේමදාස මහතා සිය ජනාධිපති අපේක්ෂකයා ලෙස නම් කිරීමට එක්සත් ජාතික පක්ෂ පසුපෙළ මන්ත්රී කණ්ඩායම අද එකඟතාවකට එළැඹ ඇතැයි වාර්තා වෙයි.
දේශපාලන ආරංචි මාර්ග පවසන්නේ, පාර්ලිමේන්තු සංකීර්ණයේ පැවති එක්සත් ජාතික පක්ෂයේ පසුපෙළ මන්ත්රී කණ්ඩායම් රැස්වීමේදී මෙම එකඟතාව ඇති වී තිබෙන බව ය.
ජනාධිපති අපේක්ෂකයා සම්බන්ධයෙන් සිය තීරණය පිළිබඳව එක්සත් ජාතික පක්ෂ පසුපෙළ මන්ත්රීවරුන් අත්සන් කළ ලේඛනය අග්රාමාත්ය රනිල් වික්රමසිංහ මහතා වෙත භාර දීමට ද නියමිතව තිබේ.