උසස් පෙළ විභාගය ලබන මස 05 වන දා ඇරඹේ

මෙවර අධ්‍යයන පොදු සහතික පත්‍ර උසස් පෙළ විභාගය ලබන මස 05 වන දා ආරම්භ කරන බව විභාග දෙපාර්තමේන්තුව පවසයි.

මධ්‍යස්ථාන 2678 කදී විභාගය ලබන මස 31 වන දා දක්වා පැවැත්වෙනු ඇති.

විභාගයට පෙනී සිටින සමස්ත අයැදුම්කරුවන් සංඛ්‍යාව 337,704කි.

ඒ අතුරින් පැරණි නිර්දේශය යටතේ අයැදුම්කරුවන් 139,475 දෙනෙකු විභාගයට පෙනී සිටින බව විභාග කොමසාරිස් ජනරාල් සනත් බී. පූජිත මහතා සඳහන් කළේ ය.

නව නිර්දේශය යටතේ විභාගයට පෙනී සිටින අයැදුම්කරුවන් සංඛ්‍යාව 198,229කි.

අපේක්ෂකයින්ට විභාග ප්‍රවේශ පත්‍ර නිකුත් කිරීම ඉදිරි සති දෙක ඇතුළත සිදු කරන බව ද ඔහු පැවසී ය.